La Ruĝkufulineto (2007)

(knabino kiu nomiĝas...)
La Ruĝkufulineto

Opero komponita en 2007 kaj premierita en la sekvanta jaro 2008 en Tokio.

Kvankam la titolo similas al tiuj famaj kontoj de Perrault aŭ Grimm, ĝia historio estas tute originala: en la dramo aperas nek avinjo, nek lupo ... sole knabino kiu nomiĝas "Ruĝkufulineto" (ŝi nomigas sin tiel, ĉar ial ŝi tute ne rememoras sian veran nomon).

En la opero, la etulino vojaĝas por viziti sian avinjon, kaj dum tiu longa vojo ŝi renkontas kun diversaj aferoj.

Kaj finfine, alveninte al la domo de Avinjo, ŝi trovas...

* Muziko kaj libreto ambaŭ estas verkitaj de l' komponisto.

Jen kelkaj ekzempleroj de tiu ĉi opero (la libreto estas originale verkita en japana lingvo):

• de l' 1a Sceno "En vagonaro"
• de l' 3a Sceno "Nekonata stacidomo / Arbaro"
• de l' 5a Sceno "En vagonaro"
• de l' 6a Sceno "Intermezo al la Lasta Sceno"

Per komptila ludo inkluzive la voĉa parto.

... kaj do finis la feri'!

La 11an de januaro:

Laŭ kalendaro tradicia en Japanio, hieraŭ estis la tago de "Kagamibiraki"*.
En tiu tago, oni manĝas oferitan "kagami-moĉi (akumulita paro de rondaj rizkukoj)"-n kun anna** supo.

Kaj la 11an de januaro, oni demetas novjarajn ornamaĵojn, kiuj estas bruligotaj kun la votoj de sano dum nova jaro.

* Laŭlitere: dispecigo de "kagami-moĉi"
**Anno = Japana marmelada dolĉaĵo farita de faboj; kompreneble, ĝi ja ne estas la nomo de iu virino!

LZify-Jazz (2004)

Nova ekzemplero alŝutita al SoundCloud.

LZify-Jazz por Piano kaj Perkut-instrumentoj
ibid., Sekcio 5 kun elektronika efiko

Komponita en 2004.
Kiam mi faris tiun pecon, mi uzis algoritman kalkuladon pere de komptilo; tial en titolo troviĝas la literoj  "LZ" (t.e. Lempel-Ziv algoritmo).

Originale ĝi estas prezentita de aŭtomata ludo per komptilo. Sed oni povas ludi ankaŭ per ordinaraj instrumentoj (por tio la partituro estas preta).

* Parto de peco kun elektronika efiko estas aldonita (11/01/2011)

Scenoj de l' Novjara Semajno [2]

La 4an de januaro:

Jarkomenca vizito al Haĉimangu en Kamakura,
la antikva ĉefurbo (ĉ. 12-4a jarcento) proksima de Jokohamo.

En tiu ĉi tago, oni preparas por la ceremonio nomata
"Ĉoona-haĵime" (Novjara servo de ĉarpentado).

Kun historia vesto, oni partoprenas al la ceremonio.
Ĉi-flanke sidas ŝintoaj pastroj kaj gagaku-muzikantoj.

Unua hako de l' jaro -- kaj oni preĝas por sekura kaj prospera laboro.

La granda ginko-arbo (pli ol 800 jar-aĝa) estis simbolo de Haĉimangu.
Tre bedaŭrinde, ĝi falis pro ventego en la lasta jaro.
Tamen, miraklo de naturo, junaj ĝermoj ankoraŭ kreskas nun.
Do, jubilante tion, oni faras amuletojn uzante la pecojn de branĉoj de l' falinta arbo.

Post la promenado en frosta vento, jen la tagmanĝo.
Varma "oden" certe revivigis min.

... Kaj oni revenas al sia normala taga vivo.

Scenoj de l' Novjara Semajno [1]

La 1an de januaro 2001:

Probable pro l' varmeco de vintro nuntempa,
jam tiele floras la ume-arboj de mia najbareco.

Ĝis antaŭ kelkaj jaroj, iliaj floroj apenaŭ komencis aperi en februaro, sed...

Ĉiujare en la 1a tago de l' jaro, mi vizitas Jamate - kvartalo de urbo Jokohamo.

Moto-maĉi Strato, ĉiam homoplena, estis tute kvieta kaj trankvila en tiu tago.

Butikoj ankaŭ estis fremitaj. Nur silueto de duopo...
Ili eble ĝuus nekutiman trankvilecon de tiu ĉi strato.

Bonan Novjaran Tagon!

Ekzempleroj muzikaj sur SoundCloud

Mi alŝutis kelkajn ekzemplerojn el miaj komponaĵoj.
De la dekstreflanka ligo "Ekzempleroj sur SoundCloud", vi povas iri al la celita paĝo.

Ĉi-foje mi alŝutis la Suiton por Piano titolitan "Cahier d'esquisses (Skizkajero)", komponitan en 2006, kiu konsistas el 4 pecoj:

1. Prélude arabesque
   (Preludo arabeska)
2. Air: ...dans le vent du printemps
   (Ario: ... en la vento de printempo)
3. Chansonnette: ... les vagues et la brise sur la mer d'été
   (Kanzoneto: ... la ondoj kaj brizo sur la maro de somero)
4. Toccata hivernale
   (Vintra tokato)

Per komptil-ludo de sintezila instrumento.

Bonvolu ĝui ilin!

* Rektaj ligoj estas aldonitaj en artikolo (08/01/2011)

Elkorajn bondezirojn okaze de la jaro 2011!

Saluton kaj Feliĉan Novjaron al ĉiuj!

Ĉi-jare mi decidis paroli bloge en Esperanto.
Mi esperas ke tio estu bona komenco de l' novjaro.

La bildo montrata maldekstre estas mia ilustraĵo por la Novjara Karto 2011. Okaze de l' jaro de leporo (laŭ orienta kalendaro), mi desegnis scenon el antikva japana mito: la epizodo de Ookuninuŝi-no-Mikoto, kiu helpis la blankan leporon en Inaba.

Mi esperas ke la jaro 2011 estu prospera kaj feliĉa por vi ĉiuj!