Jen tre malgaja novaĵo:
Finiĝis la Esperanto-elsendoj de Pola Radio
De mia "re-esperantistiĝo" antaŭ kelkaj jaroj, la Esperanta programo de Pola Radio estis kvazaŭ la eta fenestro al la internacia lingvo. Mi aŭskultas en ĝi Esperanton parolatan kaj sentis ke tiu lingvo ja estas vivanta kaj kreskanta.
"Ĝis la baldaŭa reaŭdo!" estis la lastaj vortoj de podkasta elsendo en la 31a de januaro 2011.
Kaj tiu baldaŭ... kiam?
Mi tre bedaŭras tiun finiĝon de longe daurigita programo, kaj samtempe, dankas al la redakcio kiu dum longaj jaroj klopodis por la komuniko interlanda.
